VFU ဆိုတာ ဘာလဲ။
လေလှိုင်းဖက်ဒရယ်တက္ကသိုလ် (VFU) ဆိုတာ စစ်အစိုးရရဲ့ အကြမ်းဖက်ဖိနှိပ်မှုတွေကို ဆန့်ကျင်နေတဲ့ မြန်မာနိုင်ငံက ကျောင်းသူ၊ ကျောင်းသားတွေအတွက် အရည်အသွေးမြင့်ပညာရေးကို အခမဲ့ဖြန့်ဖြူးပေးနေပြီး အကျိုးအမြတ်မယူတဲ့ အဖွဲ့အစည်းတစ်ခုဖြစ်ပါတယ်။
ကျွန်ုပ်တို့ ဘာကိုယုံကြည်သလဲ။
ပညာရေးဆိုတာ သင်ယူလိုသူ မည်သူမဆို လက်လှမ်းမီနိုင်တဲ့အရာဖြစ်ဖို့ လိုအပ်သလို သင်ယူသူတွေရဲ့ဆန္ဒတွေ၊ လိုအပ်ချက်တွေနဲ့ လိုက်လျောညီထွေဖြစ်ဖို့လည်း လိုအပ်တယ်လို့ ကျွန်ုပ်တို့ ယုံကြည်ပါတယ်။ မြန်မာ့ဖက်ဒရယ် ဒီမိုကရေစီကို မျှော်မှန်းပြီး လူငယ်တွေမှာ ဝေဖန်ပိုင်းခြား တွေးခေါ်တတ်တဲ့ အလေ့အကျင့်နဲ့ အားလုံးပါဝင်စေတဲ့ အလေ့အထတို့ကို ဖော်ဆောင်ပေးနိုင်ရန် ရည်ရွယ်ပါတယ်။ အပြန်အလှန်သင်ကြားသင်ယူနိုင်ရေးအတွက် ကျွန်ုပ်တို့က ပံ့ပိုးကူညီသူအဖြစ် ဆောင်ရွက်မှာ ဖြစ်သလို လွတ်မြောက်နယ်မြေတွေနဲ့ ဖက်ဒရယ်ဒေသတွေမှာရှိတဲ့ လွတ်လပ်တဲ့ တက္ကသိုလ်တွေ၊ ကျောင်းတွေနဲ့လည်း ပူးပေါင်းဆောင်ရွက်လျက်ရှိပါတယ်။ ကျောင်းသူ၊ ကျောင်းသားတွေ ဘဝရဲ့အခက်အခဲ၊ စိန်ခေါ်မှုတွေကို ပညာရေးကတစ်ဆင့် အဖြေရှာနိုင်ရန်အတွက် ကျွန်ုပ်တို့က ဝိုင်းဝန်းပြင်ဆင်ပေးဖို့ ရည်ရွယ်ပါတယ်။
မကြာမီ ဖွင့်လှစ်ပေးမည့် သင်တန်းအသစ်များ
---
ဘာတွေ အသစ်လာမလဲ
---