နိုင်ငံသားဖြစ်မှုနှင့် နိုင်ငံမဲ့မှု

ဤသင်တန်းတွင် အပြည်ပြည်ဆိုင်ရာ နိုင်ငံရေးအခင်းအကျင်းများအတွင်းမှ နိုင်ငံသားဖြစ်မှုနှင့် နိုင်ငံမဲ့မှုတို့အကြောင်းကို ခြုံငုံသုံးသပ် တင််ပြသွားပါမည်။ The Institute on Statelessness and Inclusion မှ သင်ရိုးသင်ထောက်ကူများကို ပြုစုပေးထားပါသည်။ ဤသင်တန်းသည် ဖော်ပြပါအကြောင်းအရာများကို မိတ်ဆက်ထားသော အခြေခံအဆင့်သင်တန်းဖြစ်ပါသည်။ ဤအကြောင်းနှင့်ပတ်သတ်၍ ပိုမိုလေ့လာလိုသူများအတွက် ပိုမိုထိရောက်စွာလေ့လာသိရှိနိုင်သော links များကို ပေးထားပါသည်။ ရှိပြီးသော သင်ရိုးများကို အသုံးပြုသွားမည်ဖြစ်သော်လည်း သင်တန်းပို့ချရာတွင် မြန်မာတိုင်းရင်းသား လူမျိုးစုပေါင်းစုံအတွက် အဓိက ရည်မှန်းပြီး သင်ရိုးများကို မြန်မာ့နိုင်ငံရေးအခြေအနေများနှင့်ဆက်စပ်၍ သုံးသပ်ခိုင်းသွားမည်ဖြစ်သည်။ သင်ခန်းစားများသည် ဝေဖန်ဆန်းစစ်တွေခေါ်နိုင်မှုကို တိုးတက်စေမည်ဖြစ်သည်။ သင်ခန်းစာတွင် နိုင်ငံမဲ့မှုမိတ်ဆက်၊ နိုင်ငံသားဖြစ်မှုနှင့်ဖိနှိပ်ချုပ်ချယ်မှု၊ ကလေးသူငယ်များ နိုင်ငံမဲ့မှု၊ နိုင်ငံသားဖြစ်ခွင့် တားမြစ်မှု၊ အတင်းအဓမ္မရွေ့ပြောင်းစေမှုနှင့်နိုင်ငံမဲ့မှု နှင့် မြန်မာနိုင်ငံသားဖြစ်ခွင့်ရရှိအခြေအနေ စသော အကြောင်းအရာများ ဖော်ပြထားပါသည်။ သင်ခန်းစာအများစုကို အင်္ဂလိပ်ဘာသာဖြင့် ရေးသားထားပါသည်။ မြန်မာဘာသာဖြင့်ရေးသားထားသော ဖတ်စာနှင့် အသံဖိုင်များကိုလည်း တတ်နိုင်သမျှ စီစဉ်ပေးသွားပါမည်။ ကိုယ်ပိုင်လေ့လာချိန်နှင့် သင်ခန်းစာတစ်ခုစီပြီးဆုံးသည့်အခါ ကျောင်းသားကျောင်းသူများ အပြန်အလှန်ဆွေးနွေးနိုင်သော ဆွေးနွေးခန်းများကိုလည်း ထည့်သွင်းပေးထားပါသည်။ သင်ခန်းစာများကို အပြန်အလှန်တိုင်ပင်ဆွေးနွေးကြဖို့ တိုက်တွန်းအပ်ပါသည်။